वृद्धत्वं चायातम्

वृद्धत्वं चायातम्.......

पलिताः केशाः गतावशेषाः, वृद्धत्वं चायातम्।

कम्पितगात्रो धावति लोके, सोढ्वा शतमाघातम्।

वृद्धत्वं चायातम्।।1।।

श्रवणैर्हीनो नेत्रविहीनो, दन्तैर्हीनो दीनः।

तदपि लालसा भोगास्वादे, लिप्सुर्चान्याधीनः।।

व्यर्थं ब्रूते कोपि न श्रोता, पश्यन्नपि परिपातम्।।

वृद्धत्वं चायातम्।।2।।

हा हा हूँ हूँ करोति सततम्, चिन्ताव्याकुलचित्तः।

विलपति विहरति विनावसायः, स्वजनैरपहृतवित्तः।।

शतधा त्रस्तः तदपि न चेतः, दौर्वल्यं संजातम्।।

वृद्धत्वं चायातम्।।3।।

वदति समर्थः श्रृणोतु भ्रातः, स्वप्नं त्यज त्यज शोकम्।

जागृहि जागृहि भज हरिचरणं, त्यक्त्वा मिथ्या लोकम्।।

गतं यौवनं गतं शैशवं, प्रौढत्वं निर्यातम्।।

वृद्धत्वं चायातम्।।4।।।